VOV4.M'nông: Tổng Thư ký Liên Hợp Quốc Antonio Guterres mhe kuăl jă ntlơi ndrak nsiu hạt nhân lam ntŭr neh n'hanh ntơm du rơh mhe bah nău tâm dâl, nsing nơm n'hanh bah tâm lơh tâm su. Nău mbơh ndơ̆ luh tâm rnôk ăp trong hăn tâm nchră mpeh nkô̆ nău hạt nhân bah Iran n'hanh Triều Tiên dôl mbrơi nkai tâm jŏ jong. Nkhêp geh nar lam ntŭr neh ntlơi jăng lĕ rngôch ndrak nsiu hạt nhân (26/9), Tổng Thư ký Liên Hợp Quốc Antonio Guterres lah rjăp, nkra nău ntêt nkri ndrak nsiu hạt nhân lah nău kan rgum tơm bah Liên Hợp Quốc kơp ntơm bah rnôk njêng. Bol ma lĕ rngôch rnoh âk ndrak nsiu hạt nhân hŏ hŭch tâm âk rach năm, yơn aƀaơ lam ntŭr neh hôm geh nklăp 14.000 đơn vị ndrak nsiu ntil dja. Jêng nê, păng mĭn lah aƀaơ lah rnôk ân ntlơi jăng ndrak nsiu hạt nhân luh bah lam ntŭr neh, pơk luh du rơh mhe bah tâm dâl nău, nsing nơm nsum n'hanh đăp mpăn an lĕ rngôch ăp nuĭh ƀon lan./.

Nuĭh rblang: Điểu Thân