VOV4.M'nông: Liên hợp quốc lah rjăp Tâm nchră gưl têh Liên hợp quốc tâl 26 mpeh rgâl duh nđik trôk nar, way kuăl lah COP 26, hôm tĭng di trong nchrăp tâm kêng dŭt khay 10 tât ta Anh. Bah năp nê, rêng kan rgâl duh nđik trôk nar, lah rlău 1 rbăn 500 mpôl kan bah dih chính phủ mpeh rgâl duh nđik trôk nar kuăl jă Anh ntruch tay COP 26 tâm rnôk hao âk ăp nuĭh ntưp Covid-19, nău mô geh tâm ban bah ăp trong ƀư chuh n'gang vaccine tâm ban kơt đă uănh năl nuh srê lhăt đah bar pe jât dak ŭch râng nău kan jong 12 nar dja bah Liên hợp quốc. Liên hợp quốc dôl nsrôih pah kan đah Chính phủ Anh gay đăp mpăn COP 26 mbra lah nar kan đăp mpăn n'hanh nkrum lam lĕ rngôch nău dơi, tâm nê nău pă an vaccine an lĕ rngôch ăp nuĭh tât râng n'hanh trok prăk ăp rơh rhŏ dŏng uănh năl nuh srê./.

Nuĭh rblang: Điểu Thân