VOV4.M'nông: Bôk nău kan ndơ sa lam ntŭr neh bah Liên Hợp Quốc (WFP) mhe mbơh njrăng lor rlău 45 rkeh nuĭh ƀon lan ta 43 dak lam ntŭr neh dôl dâk ta năp geh ma nău ji ngot hô. Tâm du nău mbơh, Giám đốc mât bôk kan ndơ ngêt sa lam ntŭr neh bah Liên Hợp Quốc lah rjăp, mô dơn dăch kêng đah nău ji ngot hô, tâm lơh tâm su chính trị, rgâl duh nđik trôk nar, nuh srê Covid-19 dôl ƀư n'hao âk rnoh nuĭh tât ji ngot đŏng. Tĭng nuĭh mât bôk kan ndơ sa lam ntŭr neh bah Liên Hợp Quốc, nău hao rnoh khlay dak pring n'hanh ndơ sa jêng tât ăp rơh tâm lơh mhe, ntĭt kơt rơh tâm lơh dôl geh ta Afghanistan, mô lah ăp rơh duh jêr kơt ta Yemen n'hanh Syria. Rnoh nchih rgum dŭt mhe đah nklăp 45 rkeh nuĭh ân tâm rdâng đah nău tât ji ngot hao rlău 3 rkeh nuĭh rđĭl đah ndrel khay dja năm e nơh./.

Nuĭh rblang: Điểu Thân