VOV4.M’nông: N’gul rnoh nŭih bah Afghanistan ŭch geh kơl an, ndrel 5 kon se tâm dak Nam Á aơ ri geh 3 nŭih dôl ma rdâng đah nau brêt têh. Aơ lah nau nkah bah Liên hợp quốc tâm nau tâm lơh mhe dôl ma rêng lam Afghanistan, têk nsum ma nau rŭng răng nau kơl an tâm êp aơ. Tĭng Liên hợp quốc, srê Covid-19, prăng bri ndrel nau tâm lơh lah 3 nkô̆ nau tơm ƀư tât nau kan ŭch geh nau kơl an kon nŭih nar lơn ma khuch hô ta Afghanistan. Groi nŭih kan ntoh măt khlay bah Tổng thư ký Liên hợp quốc ta Afghanistan mbơh nau kan tâm lơh rƀŏng tâm ăp rmôt hăn kơl an dŭt n’hâm klach rvê, N’gâng kan Liên hợp quốc lah rjăp ăp nŭih hăn kơl an tâm nuih n’hâm ueh lăng ndrel ân geh mât luh bah ăp nau rdôl lơh. Mpeh Afghanistan kŏ kuăl jă ăp ntĭk kan lam ntur neh ân geh kơl an tay ân ƀon lan dak aơ gay njrăng nau rŭng răng nau kơl an./.

Nŭih rblang: H’Thi