VOV4.M'nông:  Hội đồng Bảo an nar 10/06 hŏ rgum hop mpeh nô nău tâm boh đah Liên hợp quốc n'hanh Liên minh Châu Âu. Ăp dak lăp kan nsum Hội đồng bảo an mpơl nău ŭch tĭng tâm boh đah Liên hợp quốc n'hanh ăp mpôl kan tâm nkual, nchih nkah nău khlay kan bah ăp mpôl kan tâm nkual đah nkra bah ntul rlong lam ntŭr neh, ntrŭt ntrôl n'hanh mât đăp mpăn, rnă  njrăng dak bah dih. Ăp dak rhơn rnê trong an kan lor bah EU đah nău ntrŭt ntrôl trong kan âk ding, tâm boh Liên hợp quốc- EU kalơ âk trong kan kơt mât njrăng nuĭh ƀon lan ngăn, mât đăp mpăn, rdâng lơh mpôl lơh ndjơh, ntop kơl hăn tât nkra bah tâm rkeh, mât njrăng bu ur n'hanh kon se bu ur, ntop kơl nuĭh geh bu tom mpet tâm rơh tâm lơh tâm su, rdâng lơh đah rgâl duh nđik trôk nar. Ăp dak rhơn rnê tâm boh đah EU n'hanh ăp mpôl kan tâm nkual êng ƀa ƀă đŏng kơt Liên minh Châu Phi, ASEAN n'hanh ăp nău dơi hŏ geh, lơn lah ta nkual châu Phi./.

Nuĭh rblang: Điểu Thân