VOV4.M’nông: Nŭih ntoh ngơi bah Tổng thư kú Liên hợp quốc, wa Pha-han Hác, mbơh, ntŭk kan aơ rvê ngăn bah năp nau mbơh mpeh nau rlong pănh phao ŭnh mhe aơ bah Triều Tiên ndrel du tŏ tay đŏng kuăl jă Triều Tiên ƀư ăp nau kan bah dak ba dih tâm ăp nau ntrŭnh bah Hội đồng Bảo an Liên hợp quốc. Ntoh nau bah năp nŭih nchih nau mhe, wa Pha-han Hác kuăl jă rđau kan Triều Tiên ndâk nau kan gay ngăch dơi nthoi tay nau nsôih tâm nchră nau rƀŏng tât nkô̆ nau đăp mpăn nâp nâl ndrel mô hôm geh ndrak nsiu tâm lam gôl dak Triều Tiên. Bah năp nê, ôi lơ 20/10, ntŭk nkoch mbơh nau Trung ương Triều Tiên (KCNA) hŏ mbơh nau kơp dơn Viện Khoa học neh dak Triều Tiên hŏ ƀư pănh phao ŭnh tă bah duk ngầm mhe tâm lơ 19/10. Tĭng KCNA, ntil phao ŭnh mhe geh nau dơi khlay tâm nau leo nau kan ueh bah neh dak Triều Tiên hao du nhoat mhe ndrel n’hao nau dơi tâm lơh tâm dak bah rmôt tahen dak lêng Triều Tiên./.

Nŭih rblang: H’Thi