VOV4.M’nông: Lơ 18/8, Liên họqp quốc ntơm ntrơn 1/3 rnoh nŭih pah kan tâm ntŭk kan aơ ta Afghanistan, tât neh dak Ca-dắc-stan, gay pah kan tă bah ngai, tâm rnôk phung Taliban dôl ma nkân njrăng nkuăl neh Tây Nam Á aơ. Nŭih ntoh ngơi Liên hợp quốc Stephane Durjarric mbơh: du rmôt nŭih kan bah Liên hợp quốc hŏ luh tă bah Kabul tât Ca-dắc-stan, ntŭk khân păng lŏ pah kan bah nơm tă bah ngai. Nau kan ntrơn leo lah nau kan mât đăp mpăn ndrel n’huch nau gŭ tâm Kabul kŏ kơt lah ăp nkuăl êng bah Afghanistan tâm rnôk aơ. Rnoh nŭih aơ mra plŏ pah kan nâm ơm ta Afghanistan jêh rnôk geh nau ueh. Rnôk aơ Liên hợp quốc geh nklăp 300 nŭih kan dak ba dih ndrel 3000 nŭih kan bah nkuăl pah kan ta Afghanistan. Yơn lah, nklăp 100 nŭih lam ntur neh mra geh leo tât Ca-dắc-xtan. Liên hợp quốc lah rjăp, aơ lah nau kan ndăn ƀư ndrel ntŭk kan aơ mro kơl an ƀon lan Afghanistan lah geh nau ŭch./.

Nŭih rblang: H’Thi