VOV4.M'nông: Nhih pah kan Liên Hợp quốc mpeh tâm ban bu ur bu klô n'hanh ntăm an nău dơi bu ur mhe ký ton mbra ntop kơl du trong lĕ rngôch an bu ur n'hanh kon se bu ur ta Afghanistan. Tâm du nău mbơh, nhih pah kan dja lah rjăp nău khlay bah bu ur n'hanh kon se bu ur ta Afghanistan geh nău khlay du njăr trong jong kăl e bah neh dak dja, yor kơt nê̆ Liên Hợp quốc mbra ntop kơl tay nău kan n'hanh tâm boh kan nsum gay đăp mpăn du trong dŭt uĕh an bu ur n'hanh kon se bu ur. Nhih pah kan dja mpơl nău klach rvê jru ta năp nău tât mhe aơ ta Afghanistan đŏng, nkre kuăl jă ăp ding geh tât ân mât đăp mpăn ăp nău dơi tơm bah lĕ rngôch ăp nuĭh ƀon lan, lĕ ma bu ur n'hanh kon se bu ur, mât njrăng nuĭh ƀon lan ngăn, nta trong dơh an ăp mpôl kan kơl nuĭh tât dơi n'hanh kơl năn ngăch nuĭh ƀon lan ngăn./

Nuĭh rblang: Điểu Thân