VOV4.Mnông – Ntŭk rlong bôk năp, Viện vệ sinh Dịch tễ Trung ương lĕ jêh lvang ngoay chuh vaccine rlong Covivac ta 120 nuĭg ŭch êng. Tĭng Groi giáo sư, tiến sĩ Vũ Đình Thiểm, Kruanh ntŭk rlong bôk năp, nar 15/5 mhe rlău, 120 nuĭh lĕ jêh chuh tŏng 2 nglai vaccine Covivac. Nchrăp tât nar 29/5, rmôt mĭn njêng mbra ƀư sŏk lĕ rngôch ntil mham gay ƀư uănh năl rdâng nău ji 14 nar jêh chuh ding tal 2 bah 120 nuĭh. Jêh nĕ lĕ rngôch ăp ntil mham lor rnôk chuh ding tal 1, lor rnôk chuh ding tal 2 n’hanh 14 nar jêh chuh dĭng tal 2 mbra dơi njuăl an Canada gay ƀư uănh lah rnoh chŏl nău ji tâm mham lor n’hanh jêh chuh. Jêh rnôk geh tam chŏl nău ji ndrel đah tam mpeh đăp mpăn bah vaccine, rmôt mĭn njêng mbra mbơh đah N’gâng kan dak si gay dăn njuăl lvang 2. Nchrăp, lvang 2 mbra ƀư tâm khay 7. Covivac lah vaccine Covid-19 yor Viện vaccine n’hanh Sinh phẩm Y tế (IVAC) mĭn njêng, hun hao. Vaccine aƀaơ dơi rlong bôk năp lvang 1 ta Ngih sam ƀŭt Đại học Y Hà Nội. IVAC dŏng công nghệ jêng vaccine bah phôi tăp djăr, lah công nghệ nkra njêng vaccine cổ điển, lĕ dơi viện kơt dŏng gay nkra njêng vaccine cúm khay mih.

Nuĭh rblang: Y Sưng Phê Ja