VOV4.M'nông: Lôch 2 nar ƀư, kêng măng 26/11, ta Hà Nội, Rgum nchră nuĭh gĭt blău mom ndăm Việt Nam lam ntŭr neh tâl 4 hŏ lôch jêh. Ta rơh rgum nchră, ăp nuĭh gĭt blău mom ndăm hŏ ndrel tâm nchră, ndơ̆ luh ăp nău dăn đă trong kơl hun hao nuĭh gĭt blău mom ndăm Việt Nam lor nchrăp, nsrôih an lĕ nău gĭt blău, nău rgop an n'gâng kan rgâl mhe bah neh dak, njêng trong nsŏng kơl nkô̆ nău Chính phủ n'hanh ăp nhih pah kan dơi kan kơp dăn lor nuĭh gĭt blău mom ndăm mpeh ăp nkô̆ nău khlay an hun hao neh dak. Ta rơh rgum nchră nuĭh gĭt blău mom ndăm Việt Nam lam ntŭr neh rơh dja hŏ geh âk nău dăn đă, tâm hun hao tơm nuĭh kan an ndơ̆ rgâl mbrô, công nghệ n'hanh mât bôk kan tâm jêng wăng sa  mbrô n'hanh 2 trong nchrăp kan đăng ký gay rgop râng tĭng ƀư geh nău tam bôk nău kan rgâl mbrô gưl neh dak bah Chính phủ. Ăp nău rgop bah nuĭh gĭt blău mom ndăm mbra dơi rgum n'hanh ndơ̆ luh dơn ngoăy ăp nău dăn đă đah Đảng, Nghih dak mpeh ăp nkô̆ nău tâm di đah rnoh ŭch tât hun hao jŏ jong nâp dăng neh dak./.

Nuĭh rblang: Điểu Thân