VOV4.M’nông: 8 năm jêh rnôk mbơh nau kan mpeh nau rgâl mhe trôk nar lam ntur neh, Uỷ ban ăp chính phủ mpeh nau rgâl mhe trôk nar bah Liên hợp quốc hŏ leo ăp nau mbơh mhe mpeh ăp nau nkhah hô lơn, tâm nê lah rjăp nau kan bah kon nŭih lah nau tơm ƀư nau kan rgâl mhe trôk nar tâm lam ntur neh nar lơn ma klach rvê. Nau mbơh geh ân lah nau nkah đă bah lam ntur neh mpeh nau rgâl mhe trôk nar, hŏ jêh nê ndơn nau uănh khlay bah ƀon lan. Tĭng nau mbơh, tâm rơh tât, play neh mra duh tay 1,5 độ C. Ăp nau tât bah mih nar ân geh lah ê tă mâp ndrel ê tă geh mra geh tât âk lơn. Bri prăng jŏ jong dôl geh rlau 1,7 tŏ. Tâm du nau mbơh, Tổng thư ký Liên hợp quốc Antonio Guterres lah rkăp, nau mbơh tơm lah “mbơh nkah njrăng hô ngăn bah kon nŭih”. Tổng thư ký Liên hợp quốc kuăl jă ƀư ndal nau dŏng sah ônh lŭ ndrel ăp ntil ndơ ƀư jêng nau hôl duh play neh./.

Nŭih rblang: H’Thi