VOV4.Mnông: Yuh Ma En, rnoi Chu ru, ta xã Tu Tra nkuăl Đơn Dương, n’gor Lâm Đồng lah du hê cán bộ bu ur pah kan gơih, geh âk nău ntop kan ueh an ăp nău dơi ăp nău kan bu ur ta ntu\k. yuh lah ngoăy tâm 14 đại biểu geh rnê ndơn kan an bu ur Lâm Đồng tât râng Đại hội bu ur ntoh lư lam dak tal 12, geh [ư ta Hà Nội khay 3 mhe nơh.

            Rnôk tăng hên ôp mpeh nău hăn râng rơh r[u\n nchră ta Hà Nội, Ma En kanu\ng gươm lah: “Gâp m^n nău kan gâp mô ir rnê têh đo\ng, mô geh nău kan ma têh nkoch”. Aơ lah năm kan tal 2 yuh Ma En geh knơm săch [ư groi kruanh mpôl bu ur xã Tu Tra n’hanh 5 năm ba năp lah du ntrong kan nkre nti, nkre kan tâm nău kan.

            “ Lôch nti jrô 12, gu\ sai, deh kon,  gu\ mât kon mât sai kơt ăp oh yuh êng tâm thôn. Yơn năm 2010 gâp tât râng nău kan dân quân, lôch ne\ geh tât râng ntu\k kan bu ur, [ư groi kruanh Hội bu ur xã Tu Tra tât a[aơ”- yuh Ma En nkoch:

Yuh Ma En

            Yuh Ma En an g^t tay, ăp nar ntơm nti [ư cán bộ hội lah ăp nar yuh mô dơi geh chuêl. Le\ rngôch ăp ntil ndơ yuh nti tay bâh ntơm, bâh nău mbơh tơih, rgo\ jă oh yuh mhâm an oh yuh djăt t^ng, lôch ne\ nti tâm ngơi ta năp âk nu^h, yor yuh mô nă nănh, lôch ne\ nđâp nău [ư s[, nău mbơh tơih…kơt ne\, yuh nti mbrơi mbrơi, nti lor du đê|. Ndơ mô g^t, mô vât r^ ôp, mô geh mpôn nău rluk.

            “ Ma En lah nu^h kan du\t na nê|, kan jăp, mô g^t r^ ôp, mô dun klach du nău kan. Bâh ntơm du hê bu ur mô nănh, mô g^t, ăp nău klach da dê, lôch tât râng nău kan bu ur, bâh nău tâm nđur, Ma En le\ geh nău rgâl âk”. Yuh Hoàng Thị Xian- kruanh Hội bu ur xã Tu Tra nkoch đah yuh Ma En.

            Yuh Ma En an g^t, ta Tu Tra, nu^h bu ur rnoi đê| geh tât 60%, yor ne\, nău kan mbơh tơih, rgo\ jă oh yuh hôm nha mâp âk nău jêr jo\t. yơn lah, đah nău nsrôih kan, mô klach rvê jêr jo\t bâh mpôl cán bộ tâm ntu\k kan, tâm ăp năm ba năp, xã le\ mbơh [ư dơi âk nău kan ngăn ngên “ kơt nău kan 5 mô, 3 kloh”, njêng ta rmôt kan bu ur, mât ueh câu lạc bộ njrăng nău brêt têh.

            Âk ntrong kan tâm mâp, tâm nđur âk le\ geh mbơh [ư: kơt lah: rgo\ jă oh yuh mô deh kon tal 3, mô lah rnăk vâl mô geh nău tât mô ueh ta ntu\k rêh jêng…r^ an geh joi ăp nău nkoch na nê| gay ma oh yuh g^t vât, dơh vât. Lôch ne\ ăp nar lễ têh r^ an geh tâm nđur văn hoá njroh mprơ.

            Ngăn lah, nu^h [on lan tâm xã t^ng chroh kon n’hanh chroh bap du\t âk. Yor ne\, ndăn rnôk oh yuh lôch r[u\n, cán bộ hội bu ur thôn, xã [ư rơh mbơh tơih, mbơh nchră nău kan bu ur.

            Nkoch tay mpeh nău kan bâh nơm, yuh Ma En an g^t, du nău dơh tay bâh yuh ne\ lah nău tă kan mât ua\nh rnoh nu^h, nău kan dak si ta thôn [on bâh năm 2006 tât a[aơ le\ kơl an yuh geh tay nău g^t vât gay ma rgo\ jă tâm ngơi đah oh yuh kan ndrel.

            Đah ăp nău nsrôih mô rlu tâm nău kan, ăp năm ba năp, yuh le\ âk tơ\ dơn giấy khen bâh xã, bâh nkuăl n’hanh bằng khen bâh Hội LHPN n’gor: “gâp m^n, gâp ê ho\ geh dơi [ư âk nău kan, hôm nha t^ng nti âk ngăn, gay ma ntop kan âk lơn, an tâm di đah nău knơm bâh oh yuh n’hanh ntu\k kan ba lơ”- yuh Ma En nkoch.

Nu^h rblang: Thị Đoắt