VOV4.M’nông - Ntơm nơh, rnăk yuh Ma Hồng tâm ban kơt ăp rnăk êng [a [a\ tâm xã đo\ng, tăm biăp, [ư lo\ n’hanh mât rong ndrôk so\k puăch. Lôch nê, saơ ăp rnăk mât ndrôk dak toh geh ns^t wa\ng sa ăp nar, ns^t geh âk lơn mât ndrôk puăch way ơm, yuh n’glêh an rgâl mât ndrôk dak toh. Joi g^t mpeh kỹ thuật mât rong ndrôk dak toh, năm 2014, yuh Ma Hồng le\ nănh manh tơm prăk Ngân hàng nôngnghiệp n’hanhPhát triển nông thôn bah nkuâl 600 rkeh prăk gay [ư tơm prăk mât rong. Đah 6 mblâm ndrôk dak toh bôk năp, lôch 2 năm, rdâk njêng, mât chăm, ndrôk dak toh bah yuh tât a[aơ le\ geh 12 mblâm, tâm nê geh 6 mblâm kon le\ an luh dak toh. R^ng ăp nar tăch an Công ty Vinamilk nklăp 100 lít dak toh rêh, đah rnoh khlay ntơm bah 10 tât 14 rbăn prăk, ăp khay, yuh ns^t geh bơi 30 rkeh prăk. Nău dơi bah yuh tât bah ăp nău nsrôih nănh ntul rlong, joi nti g^t kỹ thuật mhe. Yuh Ma Hồng nkoch:

            Rnôk gâp n’glêh an mât ndrôk, gâp rvê ngăn, yor prăk do\ng ntuh kơl têh n’hanh u\ch mât rong ndrôk gay klaih rlău ach o. Mât mêr ndrôk le\ jêr hôm, tât rnôk păt dak toh hôm klach mô geh ntu\k tăch đo\ng. Dơi n’gâng kan ta ntu\k kơl n’hanh mpeh Hợp tác xã Ka Đô kơl [ư hợp đồng rvăt n’glăp dak toh đah công ty dak toh Vinamilk đo\ng. Ntơm bah nê gâp mơ bah rvê, đăp mpăn mât chăm ndrôk an ue\h, gay geh dak toh âk ue\h.

            Gay mât dơi ndrôk têh lay, dak toh geh kah ue\h n’hanh ns^t geh wa\ng sa âk, yuh le\ mô rlu kơt nti bah ăp rnăk ơm g^t mât rong jo\ năm; gơih nđơr râng kơt nti bah Hội nông dân xã [ư; joi g^t ăp nău nkoch ta tivi, săm[u\t, báo…Nơm g^t trong mât chăm na nê| jêng ndrôk bah yuh đêt geh kop ji, an rnoh dak toh âk tâm ban.

            Saơ nău geh tam bah do\ng kỹ thuật tâm nău kan tuch tăm, yuh nănh rgâl 1,8ha neh way tăm biăp jêng tăm tiêu. Bôk năp, tâm năm 2010, yuh dơn tăm 200 tơm tiêu dơm. Ăp năm, yuh hôm tăm tay hang rhiăng tơm tiêu mhe. Tât a[aơ le\ geh rlău 1000 tơm tiêu, tâm nê nklăp 600 tơm le\ an klêh play. Nơm geh mât chăm di rêng kỹ thuật tơm tiêu way hao jêng nđ^r ue\h. yuh Ma Hồng an g^t:

            Tâm let năp aơ tay gâp nha mât rong ndrôk dak toh n’hanh tăm tay tiêu đo\ng. Gâp tăm tay biăp đo\ng. Gâp saơ trong leo [ư mât rong tuch tăm dja [ư mô roh mông nar yơn an rnăk gâp ns^t geh wa\ng sa ăp nar, n’hanh đăp mpăn nău rêh.

            Nău mô klach jêr jo\t dêh rmên đah nău kan n’hanh nđơr kơt nti ma yuh Ma Hồng le\ geh nău dơi đah trong kan mât rong nkre tuch tăm, lah ngoăy tâm ăp rnăk hăn lor rgâl tơm tăm jong nar, nkre đah tăm tiêu. Nô Nguyễn Hữu Tài- Groi kruanh Hội nông dân xã Ka Đô an g^t:

            Ma Hồng nănh t^ng [ư trong leo mât ndrôk dak toh rgâl si tăm ndơ mât. T^ng bôk nău kan hun hao ndrôk dak toh bah xã aơ lah trong leo [ư du\t geh nău dơi. Yor tâm rnôk rgâl kônh wa mô ho\ dơi kơt nti yơn nănh rgâl [ư. Nău khlay lơn đo\ng lah yuh nđơr kơt nti, yuh way rvê mpeh ndrôk dak toh n’hanh tăm tiêu. Ntêm mông nar ntuh kơl n’hanh an le\ ma nuih n’hâm đo\ng, jêng ndơ bah yuh geh kơt nar aơ lah du nău dơi du\t têh.

            Âk năm mbro, yuh Ma Hồng lah ngoăy tâm ăp hội viên bu ur ntoh lư tâm trong leo [ư tuch tăm mât rong jăp blău bah xã Ka Đô. Mô dơn [ư geh ndro\ng an he nơm, yuh hôm trêng nti tay nău ơm g^t kan an ăp oh yuh bu ur tâm thôn, nsrôih râng ăp trong kan bah hội bu ur, kơl oh yuh hun hao wa\ng sa đo\ng. Uănh năl mpeh yuh Ma Hồng, wa K’Đim- Groi kruanh Hội nông dân nkuâl Đơn Dương an g^t:

            Yuh Ma Hồng lah nu^h geh nău tam ngơi tâm nkual [on lan rnoi mpôl đê| n’hanh t^ng ăp nghị quyết bah đảng. yuh lah nu^h leo lor tâm nău nsrôih râng pah kan jan sa. Yuh Ma Hồng lah nu^h leo ăp oh yuh lah nu^h bu ur tâm [on kơt t^ng, [ư t^ng, ntơm bah nê ntru\t nsôr wa\ng sa bah nkual [on lan rnoi mpôl đê|.

            Năm 2016, yuh Ma Hồng lah ngoăy tâm ăp bu ur nu^h rnoi mpôl đê| dơi mpư rnê tâm trong leo tâm rlong ro\ng dak bah nkuâl Đơn Dương, n’gor Lâm Đồng.

            Năm mhe tât, dăn an yuh, ndrel oh yuh bu ur K’ho mbra geh nău dơi lơn, nâp dăng lơn năl di ntu\k gu\ kan bah he tâm nău rêh mhe, gay [on lan Tây Nguyên hun hao tay./.

Nu\ih nchih rblang: H'Thi