VOV4.M’nông: Lơ 3/12, Malaysia hŏ saơ du hê nŭih bôk năp ntưp ma ntil kman njêng săk Omicron. Nê lah bu ur 19 năm tă bah Nam Phi, jêh rnôk lăp tâm Singapore tâm lơ 19/11 hŏ lăp tâm Malaysi. Nŭih bu ur aơ lah sinh viên ndrel geh chuh tŏng vắc xin Covid-19. Nŭih ji aơ geh nkhah rnôk 10 nar geh luh bah dih tâm lơ 29/11, prăm nŭih êng ndrel ncho ndeh ma păng kŏ geh bu nkhah ndrel geh năl lah mô ntưp đah nau uănh bôk năp. Tĭng n’gâng kan văng sa Malaysia Khai-ri Da-ma-lút-đin, bol ma saơ nŭih ntưp ma srê Covid-19 njêng săk mhe Omicron bôk năp, yơn lah ăp nau kan n’hao uănh hôm ê geh saơ nchâp đă, ngăn lah trong hăn ro đah Malaysia ndrel Singapore hôm lŏ mra hăn tay nâm ơm./.

Nŭih rblang: H’Thi