VOV4.M’nông – Du nar jêh rnôk jŏ nar nchoeng n’gang lam dak gay njrăng n’gang srê Covid-19, Thủ tướng Malaysia Muhyidd Yassin tâm nar 28/6 mbơh ndơ kơl khlay 150 rmen ringgit, tâm ban rlău 36 rmen đôlar Mỹ gay ntop kơl nuĭh ƀon lan rlet rlău srê. Tâm ndơ kơl aơ, 3,8 rmen ringgit mbra dơi dŏng gay ntop kơl prăk khay, ntop kơl prăk măt, an manh, n’hŭch soay, ntop kơl n’hanh ăp trong mkra ntop kơl êng an nuĭh ƀon lan. Chính phủ mbra an 1 rmen ringgit gay ntrôl ngăch nău ƀư chuh njrăng n’gang srê tâm dak, geh 400 rkeh ringgit gay rwăt tay vaccine. Tĭng Thủ tướng Malaysia Yassin, ndơ ntop kơl aơ mbra tŏng ăp kơl 130% tâm dĭng lĕ 32 rkeh nuĭh ƀon lan dak aơ kơt pơk hvi nuĭh chuh an rmôt druh ndăm rchong bah 12 tât 18 năm deh.

Nŭih rblang: Y Sưng Phê Ja