Mât chăm Tết an nu^h ach o nkhêp geh Tết Nguyên đán lah nău kan tâm ro\ng, rgop mât chăm an rnăk ach o rhơn Tết way ơm rnoi nu^h. Lăp nsum đah khuh n’gôr nê, Măt trận Tổ quốc Việt Nam ăp gưl le\ nsrôih an [ư âk nău kan mât chăm kơl an nu^h dơi kơl, nu^h ach o, nu^h geh n’hâm soan đah cách mạng geh nău tam, ngăn ngăn.

Ăp yan năm tât ns^t tay nău u\ch ro\ng đah âk nău ueh, lap, tâm rnôk nu\ih [on lan lam dak dôl kâp wơt Tết way ơm bah rnoi mpôl… ri hôm e g^t dâng âk nu\ih ji geh tâm săk nơm nău ji ung thư dôl rdâng đah ăp nar, t^ng mông ta ngih dak si. Tâm mông nar răm rhơn, Bí thư Trung ương Đảng, Kruanh Uỷ Ban TW MTTQ Việt Nam Trần Thanh Mẫn le\ tât khâl n’hanh an ndơ Tết an ăp nu\ih ji ung thư mbăn dôl săm ta Ngih dak si Bạch Mai. Đêp rmên ôp khâl, ntru\t nsôr, mbah rhơn Tết nu\ih ji, wa Trần Thanh Mẫn ntru\t nsôr nu\ih ji nsing nơm tâm nău rdâng tay kop ji jêr jo\t. dơn ndơ n’hanh mbah rhơn Tết bah Kruanh Uỷ ban Trung ương MTTQ ViệtNam Trần Thanh Mẫn, nu\ih ji Phạm Thị Thập dôl săm ta Khoa Ung Bướu, Ngih dak si Bạch Mai rhơn:

Dơi Kruanh MTTQ Việt Nam an ndơ gâp saơ nău uănh kơl bah Đảng, ngih dak, MTTQ Việt Nam ăp nu\ih ji ung thư kơt mpôl hên du\t lah ueh nău uănh kơl tâm ăp nar Tết. đảng Ngih dak le\ m^n tât ăp nu\ih ji ach o, ntưp nău ji ach o, mpôl hên du\t lah ueh uănh kơl bah đảng, ngih dak, MTTQ.

Ăp nar aơ, ndrel đah Đảng n’hanh Ngih dak, MTTQ, ăp gưl uỷ, n’gâng kan [on lan tâm dak, âk doanh nghiệp, ăp rmôt kan tâm dak ndrel ty mât uanưh tết an nu\ih ach o. Tât rnôk aơ, ăp nklâm ndơ jâk bah Đảng, nău ro\ng đah nuih n’hâm “Tâm nta tâm kơl”, Nu\ih geh kơl nu\ih ach o” le\ tât đah ăp nu\ih, ăp nu\ih geh soan đah cách mạng, nu\ih ach o… ăp ntu\k rlak bah tơm prăk nkrem “Yor nu\ih ach o” chop khâl, ntop kơl an rnăk ach o tâm di đah nău geh bah [on lan, mât uănh Tết an ăp rnăk ach o du trong ngăn ngên, săk rnglăy. Rlău ma nău uănh kơl đah nău rêh drăp ndơ, mặt trận n’hanh ăp rmôt kan tâm rgop nt^m [ư ăo nău văn hoá, njroh mprơ, răm Tết way ơm ta [on lan, nta an mông nar tâm rnglăp. Lơn lah đah nău groi nđôi Măt trận tổ quốc râng groi nđôi gay ăp nklâm ndơ dơi an di nu\ih, dêr roh rui, mpu\ng lir mô lah v^ nu\ih. Wa Nguyễn Đăng Hải, Groi Kruanh Uỷ ban Mặt trận tổ quốc nkual [on têh Đà Nắng an lah:

Mpôl hên mbơh [ư na nê| an mặt trận ta bah dâng, lơn lah ăp ban uănh nđôi [on lan, tâm du nkô| nău groi nđôi tâm rơh du\t năm ne\ lah groi nđôi ntop kơl ndơ Tết an [on lan. Lor lah mặt trận r[u\n tay, ndơ\ trong nchrăp nu nău an ban ng^t nklâm ndơ tết tât đah [on lan. Ăp ntu\k xă Ban uănh nđôi [on lan bah 9-15 nu\ih tâm pă đah nkual [on lan gu\ gay uănh nđôi nău pă ndơ. Yơn du\t âk lah jă hăn xă an tât ty, geh sam [u\t kuăl, jă khân pơng n’hanh an ndơ.

Mât ueh nău way ơm “Tâm nta tâm kơl” bah rnoi, gay đăp mpăn an ăp rnăk, ăp nu\ih [on lan geh Tết hơm răm, Uỷ ban Trung ương Mặt trận Tổ quốc Việt Nam le\ nsrôih ăp nău [ư uănh kơl an rnăk ach o di rơh Tết Nguyên đán Kỷ Hợi. Groi Kruanh nkre [ư Tổng thư ký Uỷ ban Trung ương MTTQ Việt Nam Hầu A Lềnh an g^t: Tât a[aơ tơm prăk nkrem “Yor nu\ih ach o” ta Trung ương le\ tâm pă tơm prăk an 53 n’gor gay uănh kơl tết an nu\ih ach o. rlău ma ne\, năm aơ, nău rgop đah MTTQ n’hanh Chính phủ, MTTQ Việt Nam le\ njuăl rnoh prăk aơ an 13 n’gor nkual yôk mpeh Bắc n’hanh miền Trung Tây Nguyên gay rwa\t phôi, ao răm, ntop kơl an kon se. rlău ma ne\ MTTQ Việt Nam rgo\ jă kon nu\ih gay ndrel đah ăp nsum mpôl, gưl uỷ n’ganag kan ăp ntu\k uănh kơl an nu\ih ach o t^ng di nuih n’hâm “Mô an geh rnăk, wâl n’hanh nu\ih mô geh Tết”:

Tâm ăp rơh Tết, lơn lah Tết Kỷ Hợi năm aơ MTTQ Việt Nam lah ngih pah kan dơi pă lah rnâng kan bah tơm prăk nkrem yor nu\ih ach o gưl Trung ương. Bah dâng gưl trung ương hôm ăp gưl le\ [ư rjăp nău ntru\nh bah Đảng, Ngih dak uănh kơl an nu\ih ach o. mpôl hên le\ [ư tât le\ rngôch ăp ntu\k gay do\ng prăk nkrem nu\ih ach o gay mât kơl an ăp rnăk, ăp nu\ih jêr jo\t ăp nklâm ndơ du\t geh nkô|.

Du năm mhe tât tay ns^t tay ăp nklâm ndơ tết geh âk nkô| nău, ns^t tât nău gơm ueh lăng an ăp nu\ih. N’hanh đah nu\ih ach , khân pơng saơ răm m’ak lơn rnôk ăp mpang ty pơk hvi tâm ro’ng. ne\ lah nău răm, ntu\k nsing n’han ntru\t nsôr gay khân pơng rlet hao tâm naư rêh, hunhao w\ang sa, n’hu\ch ach o nâp nâl.

Nu\ih rblang: Y Sưng Phê Ja