VOV4.M’nông: Lơ 29/6, ta Hà Nội, Uỷ ban Trung ương MTTQ Việt Nam ƀư rƀŭn trực tuyến ntrŭnh, ntĭm mpeh 2 nau kan mêt uănh tâm năm 2021: Uănh nau vơt ƀon lan ndrel rklaih nau phong dôih, mbơh lah đah Kruanh UBND ăp gưl” ndrel “Uănh cán bộ, đảng viên ndrel nau kan cán bộ”. Tâm rơh ntrŭnh uănh nau kan tâm lam dak, bôk nau kan uănh nŭih ƀon lan ndrel rklaih nau phong dôih, nau mbơh ăp nau tih, ntrong kan MTTQ ăp gưl mra rgum tâm ăp nau uănh mât ân ƀon lan ndrel kơl rklaih ăp nau phong lah đah Kruanh UBND ăp gưl tâm lam dak. Đah bôk nau kan “Mêt uănh cán bộ, đảng viên ndrel nau kan cán bộ”, MTTQ ăp gưl mra uănh ƀư ăp nau ntrŭnh mpeh nau kan cán bộ, uănh nau ƀư ăp nau ntrŭnh geh mbơh, nkoch drăp ndơ đah ăp cán bộ, công chức, viên chức bah ăp gưl kan, ntŭk kan Đảng ndrel n’gâng kan, ntŭk kan hành chính Ngih dak ăp gưl, uănh cán bộ, đảng viên tâm ntŭk gŭ./.

Nŭih rblang: H’Thi