VOV4.Mnông-Công ty điện lực Đắk Lắk aƀaơ dôl mât uănh trong điện đah nău âk lah 13 trạm 110kv, 5 trạm trung áp 35kV n’hanh 22kV, rlău 6 rbăn trạm biến áp phụ tải, rlău 5 rbăn km trong rse, kơl pă điện an 570 rbăn nuĭh dŏng.

Uănh nkra trong rse điện cao thế Krông Buk, Ea H'leo

Mât đăp mpăn an trong điện ta âk ntŭk, ntŭk pă điện ngai ngai, ndơ dŏng ntuh kơl mô tâm ban...Công ty lĕ rdâk njêng trong an n’hanh ƀư tĭng răng dăng nău way 3K, geh “Mât njrăng- nău nchrăp- uănh nđôi”. Tâm nĕ, ăp nău kan geh pă an n’hanh dơn nău kan na nê̆. Nău kan mât uănh kĩ thuật 3K geh ƀư dơn ngoăy bâh công ty tât ăp điện lực, mpôl kan mât uănh trong điện cao thế. Nău kan aơ lĕ geh uănh năl tĭng khăy, tĭng quý gay ma rnê, nkhôm ăp ntŭk kan ƀư ueh jăp n’hanh ngăch rgâl nkra ăp nău mô di. Đah ăp ntrong kan tâm ban, năm 2021, nău kan mât uănh kĩ thuật bâh PC Đăk Lăk geh dơi nău kan têh tâm ăp ntŭk kan điện lực lam dak. Trong điện leo mât ueh, knơm, mô geh nău tât ta trạm biến áp.

Nuĭh rblang: Thị Đoắt