VOV4.M’nông: Nar 24/6, ta Nhih pah kan Chính phủ, Groi Thủ tướng Rnâng kan Chính phủ Trương Hòa Bình, Kruanh Ƀan rđău đă Trung ương Bôk nău kan rnoh tât gưl neh dak hun hao wăng sa- rêh jêng nkual nuĭh rnoi mpôl đê̆ n'hanh mpeh yôk yang lvang năm 2021-2030, ƀư tơm rơh hop bah Ƀan rđău đă. N'glôch jêh rơh pah kan, Groi Thủ tướng Rnâng kan Trương Hòa Bình lah rjăp n'hao tay nău mĭn nsrôih ndôr êng, nsan hao bah ƀon lan ăp rnoi nuĭh rnoi mpôl đê̆, njêng luh ăp trong leo lor khuh n'gôr.

Ăp n'gâng kan, lăp ƀư lĕ n'hâm suan gay bôk nău kan dja geh nău dơi ngăn, nău rêh ƀon lan ăp nuĭh rnoi mpôl đê̆ n'hanh mpeh yôk yang nar lơn ma dơi n'hao geh. Tĭng Groi Thủ tướng Rnâng kan Chính phủ Trương Hòa Bình, tâm rnôk nuh srê COVID- 19 khuch têh tât ăp nău kan wăng sa- rêh jêng kon nuĭh, Bôk nău kan dja rgop du gâl dŭt têh, nkre rgop ntrŭt ntrôl pă dŏng, nta joi geh nău kan, hun hao wăng sa, tăch rgâl, nkre nsĭt nău khlay mpeh đăp mpăn lam rêh jêng kon nuĭh, lơn lah đah ăp nuĭh mô geh nău lap, ăp rnăk ach o, rnăk geh nău rêh jêr jŏt ta ăp nkual jru, nkual ngai./.

Nuĭh rblang: Điểu Thân