VOV4.M’nông – 76 ndơ mĭn ƀư, trong mkra ntoh lư lĕ dơi rnê rhơn tâm Ndrôm sam ƀŭt khlay Mĭn ƀư mhe Việt Nam năm 2021. Ƀư mbơh kêng măng 25/11, ta Hà Nội, yor Ủy ban Trung ương Mặt trận Tổ quốc Việt nam tâm rgop đah N’gâng kan Khoa học n’hanh Công nghệ n’hanh Liên hiệp ăp Hội Khoa học n’hanh Kỹ thuật Việt nam ƀư. 76 ndơ mĭn ƀư, trong mkra ntoh lư rnê rhơn tâm Ndrôm sam ƀŭt khlay mĭn ƀư mhe Việt nam năm aơ dơi săch bah 151 ndơ mĭn ƀư, trong mkra mĭn ƀư mhe khoa học-công nghệ yor ăp n’gâng kan, nău kan, n’gor, nkual ƀon têh nkoch. Dôl uănh lah Ndrôm sam ƀŭt khlay Mĭn ƀư mhe Việt Nam năm 2021 lĕ rnê rhơn 06 ndơ ƀư mĭn nkra mhe khoa học ntoh lư tâm nău kan nău rêh jêng-nău uĕh blău kon nuĭh. Lơn lah, tâm rnoh ăp ndơ mĭn ƀư dơi rnê rhơn geh âk nău mĭn ƀư mhe bah ăp nuĭh pah kan nkra njêng gay ntrôl săk rnglăy, uĕh nâp, tam uĕh, rgop hun hao wăng sa-rêh jêng, đăp mpăn mât njrăng bri dak, rnă njrăng, mât njrăng ntŭk ntô bri dak neh ntu.

Nuĭh rblang: Y Sưng Phê Ja