VOV4.M’nông: Kêng măng 30/6, ta ntŭk kan tơm Ntoh nau ngơi neh dak, 58 Quán Sứ, Hà Nội, Radio Việt Nam ƀư nau mbơh ndrel pă nau ntrŭnh bah Thủ tướng Chính phủ ntop pă Tổng Giám đốc Radio Việt Nam. Ta nar aơ, ndơn nau đă bah Thủ tướng Chính phủ, Uỷ viên Bộ chính trị, Groi Thủ tướng Phạm Bình Minh ntrŭnh nau bah đă Thủ tướng Chính phủ pă ƀư Tổng Giám đốc Radio Việt Nam ân wa Đỗ Tiến Sỹ.

 Groi Thủ tướng Phạm Bình Minh pă nau ntrŭnh ân Tổng Giám đốc Radio Việt Nam Đỗ Tiến Sỹ

Ryơk nau đă nau mbơh ueh khlay ndrel nau jao nau kan bah Groi Thủ tướng Phạm Bình Minh, Tổng Giám đốc Radio Việt Nam Đỗ Tiến Sỹ mbơh, tơh tât, Radio Việt Nam mra nsôih hao ngăch mpeh nau kan, ntrŭt dăng kơt tĭng nau kan mhe, mĭn, kơt tĭng nau ueh mhe tâm nau ƀư ăp bôk nau kan ntoh ngơi, ntoh rup, mro uănh năl ndrel kơt tĭng ăp nau tă geh dơi bah nau kan ƀư báo lah đăp mpăn nau mbơh ân tâm di, ngăn, ngăch, geh nau kơp năl kloh; lah rjăp nau kan lah ngoai tâm ăp ntŭk kan tơm khlay, báo chí bôk năp bah Đảng, Ngih dak râm nau leo trong rƀŏng nkoch mbơh, rƀŏng trong bah ƀon lan./.

Nŭih rblang: H’Thi