VOV4.M'nông: Nar aơ (10/6), Văn phòng Quốc hội ƀư hop báo, mbơh Nghị quyết bah Hội đồng Bầu cử gưl neh dak mpeh săk nuĭh dơi sơch lăp đại biểu Quốc hội khoá XV. Tổng thư ký Quốc hội, Chánh Văn phòng Hội đồng bầu cử gưl neh dak Bùi Văn Cường an gĭt, nar bầu cử 23/5 mhe aơ, geh rlău 69 rkeh cử tri lam dak hŏ hăn nklăch phiếu sơch đại biểu Quốc hội khóa XV n'hanh đại biểu HĐND ăp gưl năm kan 2021-2026. Aơ lah rơh bầu cử dŭt têh bah ntơm tât aƀaơ, bol ma ƀư tâm rnôk nuh srê COVID-19 ntoh luh hô. Rnoh âk cử tri hăn sơch dŭt âk 99,60%, lah rjăp nău gĭt êng chính trị, nuih n'hâm rŏng dak n'hanh nău nsing nơm bah ƀon lan đah Đảng, Ngih dak. Kêng dŭt, cử tri hŏ hăn sơch tŏng rnoh đại biểu Quốc hội tĭng luật hŏ an; sơch geh 99,87% rnoh âk đại biểu HĐND gưl n'gor; 99,81% rnoh âk đại biểu HĐND gưl nkuâl n'hanh 98,91% rnoh âk đại biểu HĐND gưl xã rđĭl đah rnoh âk ân dơi tĭng nău way an./.

Nuĭh rblang: Điểu Thân