VOV4.Mnông- Bâh dŭt khay 8 tât aƀaơ, n’gor Dak nông lĕ an kon hoc hăn nti sŏng dăng ta ngih nti. Tâm rgop na nê̆ đah ăp mpôl kan tâm nău kan njrăng rdâng nuh srê Covid-19, n’gâng kan ntĭm nti lĕ leo kan ăp nău nti an tâm di. Ntŭk kan ntĭm n’hanh nti n’gor Dak Nông an gĭt, bâh dŭt khay 8/2021, tĭng nău nuh srê ta ăp ntŭk ma n’gor geh an dŏng tâm di nău nti mât đăp mpăn ueh.

Kon hoc ngih nti THCS Dak Man, Krông Nô veh duh săk ê lor lăp nti

Nĕ lah nău tâm rgop ndrel nti trực tuyến-nti sŏng dăng, pă tâm pleh kon hăn tât ngih nti tâm 50-50, mô lah an nti tâm pleh nar bar, ngoăy, pe, prăm, bar, poăn, pơh tâm du pơh. Kanŭng ăp nkual dôl geh gŭ nkhah êng rgum nsum, ntŭk nchueng rvêl dơm geh nti trực tuyến. Rnôk nti sŏng dăng ta ngih nti, Dak Nông lĕ xét nghiệm lĕ rngôch ta ăp ngih nti geh kon hoc tât bâh âk ntŭk. Bâh geh ntrong kan aơ ma nar ntơm lăp năm nti mhe 5/9, n’gor lĕ geh saơ kon hoc ntưp Covid-19, n’hanh joi tay ăp nuĭh tă tâm mâp ta ntŭk rêh jêng gay ma njrăng rdâng. Aƀaơ, gay ma rêh nsum đăp mpăn, mât njrăng săk rnglăy nuh srê Covid-19”, Dak Nông lĕ ntrôl ngăch nău chuh vacxin, ntrôl nău mbơh tơih n’hao nău gĭt vât bâh lĕ ƀon lan tâm nău kan njrăng rdâng nuh srê.

Nuĭh rblang: Thị Đoắt