VOV4.M'nông: Nhih pah kan ƀư njêng dak si Mỹ Moderna nar 10/12 mbơh mbra pă an tay 150 rkeh dĭng vaccine njrăng n'gang nuh srê Covid-19 an Liên minh vaccine Gavi gay tâm pă ma trong vaccine lam ntŭr neh COVAX. 20 rkeh dĭng vaccine bah Moderna mbra dơi pă an tâm quý bar n'hanh rnoh hôm ƀa ƀă tâm n'gul năm 2022. Nău mbơh bah Moderna dơi ndơ̆ luh lôch rnôk Giám đốc mât bôk kan bah Liên minh vaccine Gavi, Seth Berkley kuăl jă ăp nuĭh tơm ƀư njêng kloh rvah lơn tâm nău pă an vaccine gay ăp dak geh trong nchrăp dơn âk ta gưl neh dak. Aurelia Nguyen, Giám đốc mât bôk kan COVAX rhơn rnê nău tâm ton đah Moderna nkre kuăl jă ăp nuĭh ƀư njêng vaccine kơl an lor tơm ndơ pă an kloh rvah, đăp mpăn n'hanh mbra dơi nchroh lor an COVAX./.

Nuĭh rblang: Điểu Thân