VOV4.M’nông – Thủ đô Moscow bah Nga mbra n’gluh an tay ăp trong nchoeng n’gang rhăt jăp bah nar 28/10 tât nsrôih gay n’hŭch trong ntưp Covid-19 đah rnoh nuĭh ntưp mhe n’hanh khĭt hao ndal. Nău ntrŭnh aơ dơi mbơh knŭng du nar jêh nău mbơh bah Tổng thống Nga Vladimir Putin mpeh nău “ntĭl mpông” ntŭk pah kan tâm du pơh, kơt tĭng ta lam dak bah nar 30/10 tât nar 7/11 gay nking n’gang trong ntưp Covid-19. Nga nar 21/10 kơp dơn rlău 100 nuĭh khĭt yor Covid-19, đah rlău 36 rbăn 300 nuĭh ntưp mhe-rnoh âk ngăn kơp bah rnôk chôt srê ntơm geh ta dak aơ. Điện Kremlin an lah, nău hao ndal nuĭh ntưp mhe knŭng lah yor nău hŭch trong ƀư chuh vaccine, rnôk âk nuĭh ƀon lan hôm e thơ tha mô hŏ ŭch chuh.

Nuĭh rblang: Y Sưng Phê Ja