VOV4.M’nông – “N’hao tay mbơh ƀư tam ăp trong njrăng n’gang srê Covid-19, yơn lah đah rdâk hao n’hanh hun hao wăng sa-rêh jêng ta ntŭk; geh trong mkra uĕh lơn tay gay đăp mpăn rnoh khlay ndơ, đăp mpăn ntŭk tăch n’hanh ntop kơl dôh rklaih jêr jŏt an nkra njêng, tăch rgâl bah doanh nghiệp n’hanh nuĭh ƀon lan.... lah ăp nău bôk năp dơi nuĭh ƀon lan n’gor Dak Lak lah tâm rƀŭn nchră mâp nuĭh ƀon lan jêh rơh rƀŭn tal 2, Quốc khóa 15 đah Mpôl Ntoh măt Quốc hội n’gor Dak Lak tâm nar nđaơ (18/11).

Mpôl Ntoh măt Quốc hội n’gor Dak Lak mâp nuĭh ƀon lan jêh rơh rƀŭn tal 2, Quốc hội 15

Yor nu nău srê Covid-19 jêr jŏt, Rƀŭn nchră mâp nuĭh ƀon lan ta Dak Lak ƀư tĭng trực tuyến bah ntŭk ƀoh tơm ta Ngih HĐND n’gor tât ăp ntŭk. Ta rƀŭn nchră, ăp nuĭh ƀon lan lĕ uănh mĭn n’hanh dăn đă âk nkô̆ nău geh tât nău n’hao ƀư săk rnglăy ăp trong njrăng n’gang srê Covid-19, yơn lah đah rdâk hao n’hanh hun hao wăng sa-rêh jêng ta ntŭk; n’gluh an ăp trong mkra uĕh lơn tay gay đăp mpăn khlay ndơ, đăp mpăn ntŭk tăch n’hanh ntop kơl dôh rklaih jêr jŏt an nkra njêng, tăch rgâl bah doanh nghiệp n’hanh nuĭh ƀon lan bah năp nău khuch bah srê Covid-19.

Nŭih blang: Y Sưng Phê Ja