VOV4.Mnông – Ôi nar 19/5, nkhêp di nar nkah gĭt 131 năm nar deh Kruanh Hồ Chí Minh, mpôl pah kan bah Trung ương Đoàn tâm rgop đah N’gor đoàn Trà Vinh ƀư râng n’hanh mpoh nhang ta Ntŭk kuăl huêng phan Wa Hồ ta xă Long Đức, nkual ƀon têh Trà Vinh. Trà Vinh geh rlău 47.000 đoàn viên, druh ndăm, rlău 5 năm mbơh ƀư nti ntĭm đă mrô 05 bah Bộ chính trị mpeh “Ntrôl dăng nti n’hanh ƀư tĭng nău mĭn, nău rêh, pah kan Hồ Chí Minh” lĕ geh nău rgâl dăng n’hanh jru hvi mpeh nău wât tiăr nti, ndâk njêng rmôt cán bộ, đoàn viên. Nkre Đoàn ăp gưl tâm n’gor hăn lor ƀư tĭng ăp ntrong leo nti n’hanh ƀư tĭng nău mĭn, nău rêh, nău kan Hồ Chí Minh hăn ndrel mkra ăp nău lư ji nuih bah ƀon lan, ntŭk kan, rgop ƀư geh săk rnglăy nău kan hun hao wăng sa-rêh jêng, ndâk njêng Đảng, trong chính trị nar lơ kloh uĕh, nâp dăng. Di rơh aơ Đoàn pah kan bah Trung ương Đoàn n’hanh N’gor đoàn Trà Vinh ƀư tăm 20 tơm si tâm nkual Nkual di tích Ntŭk kuăl huêng phan.

Nuĭh rblang: Y Sưng Phê Ja