VOV4.M’nông: Kêng măng (5/7), Mpôl pah kan bah Bộ Y tế tă bah Thứ trưởng Đỗ Xuân Tuyên ƀư Kruanh mpôl leo hăn hŏ geh rơh hăn ôp uănh pah kan  njrăng n'gang nuh srê Covid-19 ta n'gor Phú Yên. Mpôl pah kan bah Bộ Y tế hŏ hăn ôp uănh pah kan njrăng n'gang nuh srê Covid-19 ta nkual an gŭ rgum êng ta phường Phú Đông, nkual ƀon têh Tuy Hòa; ôp uănh pah kan n'glăp dơn săm nuĭh ji Covid-19 ta Nhih dak si manh ntăm an ƀư ta thị xã Đông Hòa; Ôp uănh pah kan nchih gĭt, an gŭ êng ta phường 1, nkual ƀon têh Tuy Hòa. Lôch hăn ôp uănh, Thứ trưởng Đỗ Xuân Tuyên rnê âk n'gor Phú Yên hŏ an ƀư ăp tŏng ăp quy định mpeh njrăng n'gang nuh srê Covid-19. Thứ trưởng Bộ Y tế Đỗ Xuân Tuyên njrăng đă, n'gor Phú Yên n'hanh gưl tâm dâng mô thơ tha, uănh lhơ ta năp nău tât krit nji bah nuh srê aƀaơ; ân lor nchrăp njrăng n'gang nuh srê tĭng trong rƀŏng “4 ta ntŭk".

Nuĭh rblang: Điểu Thân