VOV4.M'nông: Nar 5/8, Tổng thống Joe Biden hŏ ký đạo luật pă an ndơ nkhôm Huy chương Vàng bah Quốc hội Mỹ an Cảnh sát Quốc hội n'hanh Sở Cảnh sát Thủ đô Washington, yor ăp nău nsrôih mât njrăng nhih pah kan Quốc hội tâm rơh duh jêr geh nar 6 khay 01 năm aơ. Ta rơh lễ, Tổng thống Biden nkhôm rnê ăp sĩ quan cảnh sát hŏ khĭt, lah Brian Sicknick khĭt nar 7 /01 n'hanh Billy Evans khĭt nar 02/04 rnôk du hê bu klô tom ma ndeh bah dih nhih pah kan Quốc hội. Tĭng đạo luật mhe dơi Tổng thống Biden ký an dŏng, Cảnh sát Quốc hội n'hanh Sở Cảnh sát Thủ đô Washington, ăp nhih pah kan mbra dơn geh du huy chương. Huy chương tâl pe mbra dơi pla n'hơ ta bảo tàng Smithsonian n'hanh huy chương tâl puăn mbra dơi pla n'hơ ta nhih pah kan Quốc hội Mỹ./.

Nuĭh rblang: Điểu Thân