VOV4.M’nông: Ntŭk kan nkân njrăng srê ji Mỹ hŏ nchră nau đă dŏng vắc xin ntop tay gay ma njrăng srê Covid-19 ân kon se ntơm 12-15 năm. Kơt ri ăp kon se ntơm 12-17 năm tâm Mỹ mra ntơm geh chuh ntop tâm pơh aơ. Rnôk aơ mhe knŭng vaccine pfizer geh pă nau ân dŏng ân kon se tâm Mỹ. Kan pơk hvi nau chuh geh ntop chuh tâm Mỹ geh tâm rnôk dak aơ lŏ kơp dơn ăp nŭih ntưp mhe yor Omicron hao ngăch đah rnoh bơi tât 580 rbăn nŭih tâm lơ 5/1. Rnoh nŭih lăp tâm ngih dak si ăp nar rnôk aơ geh 109 rbăn bol ma rnoh nŭih săm mô hao âk. Yơn lah, rnoh kon se lăp săm tâm ngih dak si kŏ âk ndrel nau aơ hŏ ƀư jêng nau rvê mpeh ăp ngih săm ƀŭt mra geh ntâl mpông./.

Nŭih rblang: H’Thi