VOV4.M’nông: Nar ntri (22/7), Mỹ mbơh ntăm an wa Daniel Foote ƀư nuĭh đă hăn kan mha êng ta Haiti, gay kơl tâm pă nău kan, ntop kơl ntrŭt ntrôl đăp mpăn jŏ jong n'hanh hăn tât rơh bầu cử, lôch rnôk Tổng thống Jovenel Moise geh pănh nkhĭt hôch. Nău mbơh bah Bộ Ngoại giao Mỹ nkoch kloh wa Daniel Foote mbra dơn nău kan nuĭh đă hăn kan mha êng bah Mỹ ta Haiti. Ndrel Đại sứ Mỹ ta Haiti kan nsum đah n'gâng kan Haiti n'hanh ăp nuĭh tâm boh dak bah dih gay ntrŭt ntrôl nău đăp mpăn n'hanh bah tâm lơh tâm su jŏ jong ta neh dak nkual Caribe dja; ntop kơl ăp nău nsrôih ƀư rơh bầu cử tổng thống n'hanh nhih pah kan njêng pháp luật dah rŏng n'hanh geh nău tâm ban; tâm boh đah ăp dak băl tâm trong kan ntop kơl nuĭh, rnă njrăng n'hanh ôp uănh./.

Nuĭh rblang: Điểu Thân