VOV4.Mnông – Ăp kruanh Mỹ phong ăp nău đă Cộng hòa dân chủ nhân dân Triều Tiên kơt dŏng trong mkra tâm rnôk chính phủ Mỹ dôl ôp đah ăp dak kan ndrel mpeh nău kơl mô hôm hạt nhân mhe bah nơm. Ntoh ngơi đah ăp nuĭh nchih nău, Kruanh nchră nău Mỹ Anthony Blinken kuăl jă Triều Tiên sŏk nău dơi dŏng trong mkra tâm rnglăp nchră nău gay dôh rklaih nău wâl kơl mô hôm hạt nhân ta gôl dak Triều Tiên. Nău mbơh bah kruanh nchră nău Mỹ dơi ndơ̆ jêh rnôk dak aơ ƀư ôp nchră đah nău bên kơt Nhật Bản n’hanh Hạt Quốc mpeh nău kơl mhe đah nău hạt nhân Triều Tiên. Bah năp nĕ, ơh nău ôp nuĭh nchih nău, Nuĭh ntĭm kơl rnă njrăng ngih dak Mỹ Jake Sullivan an gĭt dak aơ dôl ntơm ƀư tĭng nău kơl mhe, nchră tâm ôp đah Triều Tiên gay tâm nchră ăp njuăl hăn huĕh tât mô hôm hạt nhân. Nău kơl mhe bah Mỹ mô ƀư khuch tay tâm rkeh ma gay n’hŭch duh jêr đah Triều Tiên.

Nuĭh rblang: Y Sưng Phê Ja