VOV4.Mnông- Mỹ n’hanh âk dak châu âu EU nar 2/12 geh nău mbơh nsum mpơl nău mĭn rvê mpeh ăp nău kan êng bâh Trung Quốc ta dak lêng biển Đông, biển Hoa Đông n’hanh njônh dak lêng Đài Liên. Nău mbơh nsum geh ndơ̆  mbơh lôch rơh tâm nchră đah groi kruanh n’gâng kan nchră nău đah dak bah dih Mỹ n’hanh Tổng thư ký ntŭk kan nchră nău đah dak bah dih âk dak châu âu kan ndrel. Nău mbơh nsum lah na nê̆ nău khlăy bâh nău Mỹ n’hanh âk dak châu âu mbra geh mât tâm boh kan na nê̆ tâm rnôk ăp ding ntuh kơl n’hanh hun hao wăng sa rêh jêng bâh nơm, tâm kơl đah Trung Quốc rnôk mbra dơi geh n’hanh mât uănh nău tâm rlong đah Trung Quốc an geh nău dơn kan. Bar ding lĕ tâm nchră ăp nău kan geh dŏng nău dơi ta Trung Quốc geh nđâp nău tŭn mpet ăp phung chroh rnoi đê̆ ta Tân Cương n’hanh Tây Tạng n’hanh nău tât mô ueh bâh nău mât kan êng ta Hồng Công. Bar ding mpơl nău mbra n’hao tâm mbơh nău mpeh ăp nău mbơh mô tâm di yor Trung Quốc kơl an.

Nuĭh rblang: Thị Đoắt