VOV4.M’nông: N’gâng kan nchră nau Hàn Quốc lơ 17/11 mbơh, Kruanh n’gâng kan tâm nchră nau dak aơ Choi Jong-kun hŏ geh rơh tâm nchră jŏ 60 mnĭt đah nŭih ndrel gưl kan Mỹ Wendy Sherman, ta Washinton, gay tâm nchră mpeh nau tâm boh bah bar ding, nau kan njrăng rdâng ma srê Covid-19 ndrel ngăn lah nau nsôih leo Triều Tiên plơ̆ tay nau tâm nchră. Ta nar tâm nchră, 2 ding hŏ nchră ăp nau kan gay ma dơi geh nau ueh mhe tâm nau kan đăp mpăn tâm gôl dak Triều Tiên, geh n’ăp ma nau kan ndơ̆ luh nau ton lah mhe tâm nau nchrăp đăp mpăn tâm gôl dak Triều Tiên, geh n’ăp ma nau kan ndơ̆ luh nau ton lah lôch nau tâm lơh Triều Tiên năm 1950-1953. Tâm du nau nkah mbơh êng, Kruanh n’gâng kan nchră nau Mỹ hŏ mô nkhah tât nau ton lah lôch nau tâm lơh Triều Tiên, yơn lah rjăp mra nsôih nsum gay ma rƀŏng tât nau mô hôm ndrak nsiu dĭng lĕ./.

Nŭih rblang: H’Thi