VOV4.M’nông: Chính phủ Mỹ an gĭt ăp kruanh Mỹ n'hanh Israel hŏ mpơl nău klach rvê mpeh ăp njuat hăn tâm bôk nău kan hạt nhân bah Iran. Ta rơh mâp ta thủ đô Washington nar 27/04, ăp kruanh Mỹ n'hanh Israel hŏ tâm nchră ăp nău klach rvê hô mpeh trong hăn tâm bôk nău kan hạt nhân bah Iran. Bar ding tâm ban ŭch mpeh nău ntêt nkri dŭt klach rvê mpeh trong ƀư bah Iran ta Trung Đông. Bar ding tâm ban ŭch njêng du rmôt pah kan tâm rgop âk n'gâng kan gay rgum tâm nău ntêt nkri dôl hô bah Iran pă an ndơ ntrŭp dŏng ndeh păr mô geh nuĭh ƀĭt n'hanh grăp ŭnh leo trong pănh sŏng an ăp dak băl bah he. Rơh mâp ƀư ndrel nar ăp dak têh ndrŏng lam ntŭr neh n'hanh Iran ntơm rvăch tâl 3 ăp rơh tâm nchră ta thủ đô Viên (Vienna) bah Áo ŭch gay ndơ̆ Mỹ n'hanh Iran plơ̆ tay tâm ton hạt nhân kí năm 2015.

  Nuĭh rblang: Điểu Thân