VOV4.M’nông – Kruanh nchră nău Mỹ Antony Blinken mhe geh rơh mâp đah nuĭh tâm ban gưl kan mhe bah Israel Yair Lapib ta Rô-ma, Italia. Rơh mâp ƀư tâm rnôk n’gâng kan Tổng thống Mỹ Joe Biden geh nău rgâl nău mĭn êng đah nu nău nkual Trung Đông, nău hạt nhân I ran. Yor nê, rơh mâp aơ dơi an lah gay n’gluh an nău tâm boh 2 dak. Kruanh nchră nău Israel Lapib an lah, 2 ding geh ăp nău tih lĕ geh tâm đêt năm bah năp. Tâm rnôk nĕ, Kruanh chră nău Blinken lah, bôl lah 2 chính phủ mhe yơn n’gâng tơm ma 2 ding dôl ƀư lah ngoay tâm âk nău tâm boh kan ndrel jŏ jong. Aơ lah ntŭk gay 2 ding pah kan ta âk nău tâm nĕ geh n’ăp nău mkra tâm boh đah Israel n’hanh Palestin. Rlău ma nĕ, ta rơh mâp, 2 ding tâm nchră mpeh nău hạt nhân Iran, tâm nĕ Israel dun nău nsrôih bah Mỹ gay mkra tâm ton hạt nhân Iran năm 2015.

Nŭih rblang: Y Sưng Phê Ja