VOV4.M’nông: Mỹ dôl tâm nchră đah 3 dak Trung Á gay joi ntŭk gŭ ân âk rbăn nŭih ƀư nau kan bah Apganistan tă ƀư nau kan kơl rblang nau ân tahen Mỹ tâm dak aơ. Ăp nŭih tâm kan tâm nkuăl bah Afganistan dôl jêng nŭih geh phung Taliban nkri âk ngăn tâm rnôk tahen Mỹ bơi lôch nau leo kan tâm dak Nam Á aơ.  Pơh bah năp nơh, Mỹ mbơh nau nchrăp rgum ntŭk gŭ bah nŭih Afganistan tâm dak ba dih. Ăp nau mbơh tâm nkuăl kơp dơn, Mỹ mra dôl tâm nchră đah 3 dak Ka-dắc-stan, Ta-ji-ki-stan ndrel U-dơ-bê-ki-stan mpeh nau ân ăp ƀon lan Afganistan aơ ndrel băl mpôl nơm gŭ gŭ nde./.

Nŭih rblang: H’Thi