VOV4.M’nông: Kruanh N’gâng kan nchră nau Mỹ mhe mbơh, dak aơ dôl rgum nau tŏng dơi nau đă bah Cảnh sát dak Haiti mpeh nau kơl nau joi kloh nkô̆ ƀư nkhĭt Tổng thống Giô-vơ-nen Moi-xơ. Tâm du nau mbơh, nŭih ntoh ngơi Kruanh n’gâng kan nchră nau Mỹ Nét-prai mbơh: cảnh sát dak Hai-ti hŏ đă nau kơl an nau uănh kloh nkô̆ ƀư nkhĭt Tổng thống Hai-ti hŏ geh nau kơl an nau uănh geh tât nau nkhĭt Tổng thống dak aơ ndrel Mỹ dôl kơl, geh nau mra ƀư ăp trong tĭng pháp luật, geh n’ăp ma N’gâng kan mêt uănh bah liên bang (FBI). Bah năp nê, ôi lơ 7/7, du rmôt tahen bu đă hŏ lăp tâm ngih bah Tổng thống Hai-ti ƀư Tổng thống Giô-vô-nen Moi-xơ khĭt ndrel I ur păng rmanh jru. Cảnh sát Hai-ti mbơh, rmôt aơ tă bah dak ba dih yơn kŏ ntôn lah geh nau kơl an tâm dak./.

Nŭih rblang: H’Thi