VOV4.M’nông: N’gâng kan nchră nau Mỹ lơ 27/9 ton dak aơ mra mâp Triều Tiên ma mô kâp nau nchâp ngăn gay ma ntrŭt dăng nau rklaih nau kan mô hôm ndrak nsiu tâm gôl dak Triều Tiên. Ntoh nau tâm rơh rƀŭn mbơh, Groi nŭih ƀư nau kan bah n’gâng kan nchră nau Mỹ Jarina Porter hŏ lah rjăp tât nau khlay bah nau tâm nchră ndrel ton lah Mỹ mra ŭch ngăn mpeh Triều Tiên mra geh nau ƀư nau kan ueh lăng. Ân tât rnôk aơ, Triều Tiên hôm ê geh nau mbơh ngăn mpeh ăp nau kan tâm mâp mhe bah Mỹ. Tâm nklang khay 9 mhe rlau, Triều Tiên hŏ ƀư âk tŏ rlong ndrak nsiu mpeh trong hăn ndrel phao ŭng tâm nau kan geh ân lah gay rgum nau râng uănh bah Mỹ ndrel dak kan nsum. N’gâng kan nchră nau Mỹ ton lah uănh ăp nau pănh phao ŭng bah Triều Tiên lah nau nkri ngăn đah ăp dak tâm dăch ndrel lam ntur neh, nkre kuăl jă Triều Tiên plơ̆ nau tâm nchră mpeh nau kan mô hôm ndrak nsiu./.

Nŭih rblang: H’Thi