VOV4.M’nông: Bol ma geh nau mpet đă bah ăp dak kan nsum, Tổng thống Mỹ Joe Biden ton mô geh nau mĭn ŭch ntruch tay nar nkhah ntrơn bah Afghanistan jêh lơ 31/8. Kơp ntơm rnôk Taliban ƀư mât nau nkân uănh Thủ đô Kabul lơ 16/8 mhe rlau, rđau kan Mỹ hŏ rdâng bôk đah âk nau mpet đă, mô lah nduih lah yor nau ntrŭnh rhuăt luh tahen bah neh dak Tây Nam Á aơ. Ntoh nau bah Nhà trắng, Tổng thống Joe Biden ton Mỹ dôl ma tâm rnôk ƀư jêh nau kan ntrơn ƀon lan luh bah Afghanistan bah năp lơ 31/8. Bol ma ndơn nau kan tâm ban tâm nau kan Taliban tâm boh ndrel ma ƀon lan tât ndeh mpăr đŏng lah mô, yơn tĭng rđau kan Mỹ, nau ntoch jong nar kŏ tâm ban ma nau tât khuch lơn đah tahen Mỹ. N’gâng kan Tổng thống Joe Biden dôl ƀư ngăch nau ntrơn leo ƀon lan Mỹ luh bah Afghanistan tă geh nau kơl an Mỹ. Knŭng tâm 24 rlau aơ, geh 21.600 nŭih ntrơn luh bah Afghanistan./.

Nŭih rblang: H’Thi