VOV4.M’nông – Tổng thống Joe Biden mhe mbơh, dak Mỹ mbra jêh nău chuh vaccine njrăng Covid-19 an lĕ rngôch ăp nuĭh tŏng chuh bah năp nar 19/4, ơm rlău 2 pơh nkôp đah trong nchrăp bah năp nĕ lah nar 1/5. Jêh rơh khâl tât du ntŭk chuh ta bang Virginia nar 6/4, Tổng thống Joe Biden mbơh, nău chuh vaccine njrăng Covid-19 an nuĭh ƀon lan mbra jêh lor 2 pơh nkôp đah trong nchrăp. Aƀaơ ngih pah kan dak si Mỹ lĕ chuh geh 150 rkeh ding vaccine an nuĭh ƀon lan. Bôl nu nău srê ntơm dơi uănh nđôi yơn Tổng thống Joe Biden hôm e mbơh, dak Mỹ mô hŏ dăng rdâng đah srê. Nkre kuăl jă nuĭh nuĭh ƀon lan ƀư tĭng tay ăp trong đăp mpăn bah năp srê. Tĭng rnoh kơp bah Ntŭk uănh nđôi n’hanh njrăng n’gang srê Mỹ (CDC), rnoh nuĭh ntưp mhe ta dak aơ hôm e hao, ngăn lah ăp nuĭh ntưp rgâl mhe bah Covid-19.

Nuĭh răk rblang: Y Sưng Phê Ja