VOV4.Mnông- Nău nchrăp tơm prăk ngih dak năm 2021 bâh Tổng thống Mỹ Donald Trump mhe geh mbơh mbra koh n’huch tơm prăk ngih dak an ăp bôk nău kan dak si ta lam ntur neh n’hanh ntu\k kan dak si lam ntur neh WHO, bôl ma lam ntur neh dôl tâm rdâng đah nău ntưp trêng bâh ntil kaman Corona mhe. Nău nchrăp tơm prăk ngih dak năm 2021 đă koh n’huch bơi tât 65 rkeh đôlar ntêm an ntu\k kan dak si lam ntur neh, ne\ lah n’huch rlău 50% đah tơm prăk năm 2020 pă an ntu\k an aơ n’hanh đă koh n’huch 34% an bôk nău kan dak si lam ntur neh. Yơn lah nău nchrăp mbra n’hao rnoh tơm prăk ngih dak tâm rgop an bôk nău kan mât đăp mpăn rnă njrăng nău kan dak si lam ntur neh (Global Health Security) đah rnoh prăk 115 rkeh đôlar, gay ma kơl an chính phủ Mỹ tâm rgop đah ăp dak, ăp ntu\k kan lam ntur neh, njrăng rdâng đah nuh srê, geh ngăch saơ ăp nău ntêt nkri ơm n’hanh tâm rdâng ngăch, săk rnglăy ăp nuh srê. Wa Jim Richardson, nu^h mât leo nău kan ăp rnoh kơl an dak bah dih bâh kruanh n’gâng kan nchră nău đah dak bah dih Mỹ lah na nê| Mỹ hôm nha lah dak ntuh kơl du\t têh an n’gâng kan dak si lam ntur neh.

Nu^h rblang: Thị Đoắt