VOV4.Mnông – Nuĭh ntoh ngơi N’gâng kan tâm rnglăp nchră nău dak Mỹ Ned Price mbơh chính phủ Mỹ nchrăp tâm nchră đah Triều Tiên tâm ăp rnôk ta ăp ntŭk, nkre mĭn lah nău đă mhe ngăn bah Mỹ nchrăp rmôt rƀŭn ma mô kâp nău nkol. Wa Ned Price lah rjăp jêh bah rơh kơp uănh tay mhe jêh nău kơl mpeh Triều Tiên bah Mỹ gay joi du trong gĭt na nê̆, nkra rgâl tay gay mô hôm hạt nhân lĕ rngôch ta Gôl dak Triều Tiên. Ntoh ngơi aơ dơi nuĭh ntoh ngơi N’gâng kan tâm rnglăp nchră nău Mỹ ndơ̆ jêh rnôk Đặc phái viên Mỹ mpeh Triều Tiên Sung Kim nkoch mpŏng ŭch Triều Tiên mbra plơng tay du trong di đah nău đă bah chính phủ Mỹ. Tĭng thông tấn Yonhap (Hàn Quốc), ntoh ngơi bah Đặc phái viên Mỹ mpeh Triều Tiên geh nău an saơ rah wah bah pơng đah tâm nchră n’hanh nău kuăl  jă tât chính phủ Mỹ gay ndơ̆ ăp trong ntrŭt nsôr na nê̆ lơn gay nthoi tay tâm rnglăp nchră nău hạt nhân đah Triều Tiên.

Nuĭh rblang: Y Sưng Phê Ja