VOV4.M’nông: Lơ 22/12, Mỹ hŏ pă nau dơi ân dŏng dak si njrăng srê Covid-19 bah Pfizer ân nŭih têh ndrel kon se ntơm 12 năm hao gŏ lơ geh nau tât khuch jâk hô jêh rnôk ntưp ma srê Covid-19. Đah săk ntơ lah Pắc-lô-vít, ntil dak si njrăng rdâng srê bah Pfizer lah ntil dak si săm srê Covid-19 bôk năp geh dŏng tâm ngih tâm dak Mỹ. Ntil dak si aơ geh dŏng tâm rgop nsum đah du ntil dak si njrăng rdâng srê geh moh lah Ri-tô-na-via. Tĭng nau rlong leo dŏng bah Pfizer, pắc-lô-vít geh nau dơi mra lăp tâm ngih dak si ndrel khĭt hao bơi tât 90%. Pfizer kŏ ân gĭt ntil dak si aơ kŏ geh nau săk tam bah ntil bah năp kman njêng săk Ô-mi-crôn./.

Nŭih rblang: H’Thi