VOV4.M’nông: Mỹ mra râng đah Triều Tiên tâm ăp nau kan blau mhe ndâk nau rnơm, geh n’ăp ma nau kơl an. Aơ lah nau lah rjăp bah wa Mark Lambert, Groi rđau kan n’gâng kan nchră nau Mỹ ƀư ăp nau kan bah Triều Tiên ndrel Nhật Bản ndơ̆ luh tâm rơh tâm nchră yor Mỹ ƀư. Wa Mark Lambert nkah tay nau kan Mỹ mra hăn tâm ăp ntŭk gay ma nkoch bri ma Triều tiên ma mô geh nau nchâp nkân, mra joi ăp nau mhe gay ma ndâk nau rnơm geh nau khlay ma Triều Tiên. Nkre ton nau kơl an nau ueh ân Triều Tiên bol ma nau kan ƀư ndrak nsiu mhâm nau tât. Wa Lambert mbơh tay, lah Triều Tiên ŭch nsum mpôl lam ntur neh ndơn ndrel geh du nau kan văng sa geh nau ueh mhe, sâm gŭ tâm nchră đah Mỹ, nsrŭng nau nchoh lah gay ma dơi geh ăp nau mhe lơn./.

Nŭih rblang: H’Thi