VOV4.M'nông: Ngoại trưởng Mỹ Antony Blinken mhe an gĭt Mỹ ndrel Anh, Pháp n'hanh Đức dôl joi trong ndơ̆ Iran plơ̆ tay nău tâm ton hạt nhân bol ma aƀaơ mô hŏ gĭt kloh Iran nchrăp du rơh tâm nchră ngăn ngăn đŏng lah mô. Nău mbơh bah Ngoại trưởng Blinken dơi ndơ̆ luh lôch rnôk Mỹ, Đức, Pháp n'hanh Anh kuăl jă Iran plơ̆ tay tâm ton hạt nhân ký năm 2015 gay der bah hao klach rvê. Ngoại trưởng Blinken lah rjăp, ăp dak ndrel Nga n'hanh Trung Quốc nsing nơm an lah nău Iran nthoi tay tâm nchră hạt nhân lah trong dŭt uĕh n'hanh nău dja nsing tâm Iran gĭt tĭng ƀư ngăn ngăn đŏng lah mô dơm. Yơn lah, nuĭh mât bôk kan n'gâng kan tâm boh dak bah dih Mỹ mbơh njrăng lor đŏng, lah Iran mô nchrăp tâm nchră, Mỹ, Anh, Pháp, n'hanh Đức ndrel mĭn uănh di tay na nê̆ ăp trong nkra gay rdâng lơh đah nkô̆ nău hạt nhân bah Iran./.

Nuĭh rblang: Điểu Thân