VOV4.M’nông – Mỹ ndrel bơi 70 dak êng mhe mbơh nsum kuăl jă ntop kơl nuĭh ƀon lan Afghanistan n’hanh nuĭh ƀon lan ăp dak êng ŭch luh dak Afghanistan. Nău mbơh nsum an gĭt yor nu nău rnă njrăng dôl mô uĕh ta Afghanistan, ăp dak kơl n’hanh kuăl jă lĕ rngôch ăp ding ryơk n’hanh nta an nuĭh dak bah dih n’hanh nuĭh ƀon lan Afghanistan luh dak aơ du trong đăp mpăn n’hanh uĕh lăng. Nău mbơh nsum lah rjăp, rmôt djôt bôk n’hanh dơi mkra ta Afghanistan geh nău kan mât njrăng nău rêh n’hanh drăp ndơ kơt rdâk nkra dâl rnă njrăng n’hanh đăp mpăn nuĭh ƀon lan. Ăp nuĭh ŭch luh sĭt Afghanistan an dơi nta nơih; ăp trong mpăr n’hanh mpông n’har bri an dơi pơk, đăp mpăn rnă njrăng. Nău mbơh nsum nkoch kloh nuĭh ƀon lan Afghanistan tâm di geh nău rêh đăp mpăn, rnă njrăng, nsum mpôl lam ntŭr neh nchrăp ntop kơl.

Nŭih rblang: Y Sưng Phê Ja