VOV4.M’nông: Tổng thống Mỹ Joe Biden lơ 7/7 hŏ ntoh nau nduih rnôk ntŭng khĭt lơi Tổng thốngh Haiti Jovenel Moise nkre njoăl nau tâm pă nau rngot tât ƀon lan dak aơ. Ntoh nau đah ntŭk nkoch mbơh nau, Tổng thống Mỹ Joe Biden mbơh păng dŭt n’hâm rngot ndrel ma nduih lah ngăn nau ntŭng nkhĭt Tổng thống Haiti. Tổng thống Biden kŏ lah nau rvê ngăn nau dôl geh ta Haiti ndrel mbơh Mỹ mra ŭch geh nau mbơh mpeh nau kan aơ. Ăp nŭih kan tâm Quốc hội Haiti kŏ nduih lah ngăn nau lơh ndrel kuăl jă n’gâng kan Tổng thống Biden ơm ndŏ luh ăp phung tih dôih luh leo mhal. Tâm nau ton lah nsum, 4 Hạ nghị sĩ Mỹ kŏ kuăl jă nau mêt uănh êng ndrel ân geh kloh mpeh nau lơh ndrel ân lah ân ơm leo kan gay leo nsĭt nau đăp mpăn nâp nâl ân Haiti./.

Nŭih rblang: H’Thi