VOV4.M’nông – Kruanh nchră nău Mỹ Antony Blinken mhe geh rgum nchră đah Thủ tướng Ấn Độ n’hanh rgum nchră đah nuĭh tâm ban gưl kan, Nuĭh ntĭm kơl nău kan rnă njrăng Ngih dak tơm jay tâm rơh khâl Ấn Độ 2 nar. 2 ding tâm ban ŭch ntrôl ăp rơh tâm nchră đăp mpăn ta Afghanistan jêh rnôk tahen Mỹ lôch nău rhoăt tahen ta dŭt khay 8. 2 ding lĕ tâm nchră âk nău kan ndrel ăp ding, geh nău kan rnă njrăng, mât njrăng bri dak, ntŭk ntô mạng n’hanh nchăng n’gang rŭng răng; kan ndrel dun tay srê Covid-19. Mpeh nău nkual, Kruanh nchră nău Blinken an gĭt bôl Mỹ n’hanh NATO dôl rhoăt đêt tahen yơn hôm nking n’gang tâm nău đăp mpăn Afghanistan n’hanh đă Ấn Độ kơl gay nking n’gang tâm lơh ta dak aơ.

Nŭih rblang: Y Sưng Phê Ja