VOV4.M'nông: Hãng tin Reuters leo nău du hê kruanh Bộ Tài chính Mỹ an gĭt, Mỹ pơh bah năp nơh hŏ pă si ƀŭt an ăp dak tâm boh hăn kơl tay nuĭh ƀon lan ta Afghanistan, lĕ ma ăp nău kan rdeng ndơ ngêt sa n'hanh dak si dak gle. Aƀaơ geh âk nău rvê ăp trong rmal bah Mỹ ntrŏng tâm mpôl tahen Taliban, mbra khuch tât nău kan kơl nuĭh ta dak dja lôch rnôk Taliban hao mât bôk. Yơn lah si ƀŭt mhe mbra an nău kan ntoch jong tât nar 1 khay 3 năm 2022. Ăp kruanh Mỹ lah rjăp đŏng, ăp nău kan kơl nuĭh ntop kơl tay ƀon lan Afghanistan, mô di lah mpôl tahen Taliban. Liên hợp quốc an gĭt, rlău 18 rkeh nuĭh, âk rlău du n'gul rnoh nuĭh ƀon lan Afghanistan ân dơi ntop kơl n'hanh du n'gul rnoh kon se Afghanistan ta nâm 5 năm deh geh brêt rgay ndal tă bah duh phang tâl 2 tâm 4 năm./.  

Nuĭh rblang: Điểu Thân